منتديات خدنى الحنين

منتديات خدنى الحنين

مرحبا بك فى منتديات .........(*^ خــــــــــــــــــدنـــى الحنيــــــــن ^*).........كل الى عايزه هتلاقيه عندنا
 
الرئيسيةمكتبة الصورس .و .جبحـثالمجموعاتالتسجيلدخول

شاطر | 
 

 الزوجة عاملة قلق علطول ادخل وشوف بتقول ايه

اذهب الى الأسفل 
كاتب الموضوعرسالة
Admin
Admin
Admin
avatar

عدد المساهمات : 322
تاريخ التسجيل : 04/07/2009
العمر : 27

مُساهمةموضوع: الزوجة عاملة قلق علطول ادخل وشوف بتقول ايه   الأربعاء يوليو 08, 2009 12:53 pm

السلام عليكم ورحمة الله وبركاته
دى من اشهر الجمل اللى بتتقال فى البيت المصرى.....هههههههههه


* امشى جاتك مشش فى ركبك .



* جتها نيلة الى عايزة خلف تيجى تتفرج .


*ذاكر ياموكوس مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات مع انى مش عارفة اية الهتهات ده بس ماشية مع الجملة.هههه


* هتذااااااااكر هتاخد عنية مش هتذااااااااااكر هتاخد بالجزمة .


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


*ياريتك تحفظ دروسك زى مانت حافظ الاغانى.


* انته مبتكلش جزر ليه .. اجيبلك برتقانه. طب كل سلطه .


* قومي ساعدي امك ده اللي هيتجوزك أمه داعية عليه.


* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .


* بلاش تمشى حافى البس شبشب وانت داخل الحمام .


* افرد ظهرك .
* لم شراباتك.


* ماتكلش فى ضوافرك.


* كنت فين لحد دلوقتى يا صايع.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لما يخدك .


*ده منظر اوضة بني آدم انت عايش فيها ازاي؟.


* هو انا الخدامه الى ابوكم جبهلكم .
* الى يطلع من الاوضه يطفى النور وراه .


*أبوك عندك أهو اتصرف معاه .


* التهديدات المخيفه والمرعبه :
مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


* ومن اشهر الجمل الى بتتقال كل يوم بعد الاكل :


انا مش الخدامه اللي اشترهلكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::


ضرب امثلة تشجع على الكفاح و أشهرها:


أحد الأقارب اللي كان بيذاكر على لمبة جاز أو على عمود النور الي في الشارع و نجح وخد الدكتوراه وسافر أمريكا ( قال يعنى كان بيعرف يركزوالناس ماشيه حوليه فى الشارع ).
الرجوع الى أعلى الصفحة اذهب الى الأسفل
http://khadnyelhaneen.ahlamuntada.com
 
الزوجة عاملة قلق علطول ادخل وشوف بتقول ايه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات خدنى الحنين :: منتدى الترفيه-
انتقل الى: