منتديات خدنى الحنين

منتديات خدنى الحنين

مرحبا بك فى منتديات .........(*^ خــــــــــــــــــدنـــى الحنيــــــــن ^*).........كل الى عايزه هتلاقيه عندنا
 
الرئيسيةمكتبة الصورس .و .جبحـثالمجموعاتالتسجيلدخول

شاطر | 
 

 حوار بين اتنين طرش (جميل اوى)

اذهب الى الأسفل 
كاتب الموضوعرسالة
bosy
عضو
عضو
avatar

عدد المساهمات : 72
تاريخ التسجيل : 13/07/2009
العمر : 29

مُساهمةموضوع: حوار بين اتنين طرش (جميل اوى)   الجمعة يوليو 17, 2009 3:36 pm

كان اتنين سمعهم تقيل واقفين على محطة الاتوبيس


الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزى

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد


يمر شاويش من بتوعنا ... يلفت انتباه الحوار، : بتعمل ايه يا جدع منك له!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم
الرجوع الى أعلى الصفحة اذهب الى الأسفل
عاشق بلا حدود
مشرف عام
مشرف عام
avatar

عدد المساهمات : 52
تاريخ التسجيل : 07/07/2009
العمر : 27
الموقع : spa.kamel@yahoo.com

مُساهمةموضوع: رد: حوار بين اتنين طرش (جميل اوى)   السبت يوليو 18, 2009 12:36 pm

حوار مضحك للغاية(نرجو المزيد) تسلمي lol! الباشا lol!
الرجوع الى أعلى الصفحة اذهب الى الأسفل
http://spa.kamel@yahoo.com
 
حوار بين اتنين طرش (جميل اوى)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات خدنى الحنين :: منتدى الترفيه-
انتقل الى: